Bacaan Bahasa Kangean

Bele

ayo bele gian ka kangean
aleak leak kabedean mikla aobe
kanca kanca mikla aobe gayana kabbi
polana manyak seasakola ka loar madura
ben kangean se masok ka masyarakat santri mikla tak nenger sakale

BEDENA AKO E AWANG-AWANG RENNA!

Leng,Arapa ako mak soro belle e mik!

Leng apa kaberna oreng roma makla abit tak a senyum sakali

Bede apa ?

Atena ako tak nyaman arassa bede anuna sadheli’

Settong se alembu’i ate ako munduk e awang-awang renna

Apa polana soratna selambek se mataknyaman ka oreng roma

Ako tak tao apa oreng roma nagis ngalea’e kaberna ako kini

Cakna,bernata takngakan atahan mak olle apangrasa mandiri

Leng,patenang atena!Ako ndek tak sake’

Ako malah seneng odi’ padena renna

Apa sakeng tandena sear

Arassa nyambung polana leppani ako sake’ginjal

Memang cakna dokter ako parah

Ako emang onggu marang tape tak konse sake’

Tape ako tak endek matako’ oreng roma

Apanapole’ jenjiko gi’tak mere se kakeluarga.

Kao gi’dumit,sapa semasakola’a paggi’

Leng,padepaangen cacana ako ka oreng roma

Mastakala ako tak bisa hadir epakabinanna mbuk rento

Poto renna benni ecampor berra’ ate emik

Tape mikpola mateppa atena emik se lako sear

Insyaallah munla nyaman epokna ako

Munla nyaman,erassae kabbi bua-buaan e tatangge

Buru ako ambe’ ka tase’ anggui kapal

Saongguna ako kea tak koat nahan searna ate sampe’ ekamarang

Ako benni maloppa’a ka kao kabbi

Ako cuma nyarea katenangan sepaleng ekasennengi ateko ben pekkeranko

Ekatembeng nyama mik,rama ben kao jubek ka tatangge

Bengu’a ako maelang sakejje’ deri nyeong burong tatangge

Selakar ma racuna oreng roma .

Ako saongguna tao kebedean lambek retto

Sakeng ako paleng sossah monlah terros jubek

Ako maelang deri gua sepaling comot

Ako coman nyare kebber sebisa macellep atena kabbi

Leng,kao jek apekker tak teppak kaodhi’na

Jeleni padena mak sabedena

Oreng tak lopot deri berrek-berrekna pangeran panggun

Pangeran aberre’ gula,paggun apanapa’ ollena malaikat

Pangeran aberrek papareng paggun eocol ka hambana

Bedhe odhi’ bedhe’ mate

Salamna mak jek ajelanan tengnga malem sekalabu

Mik tatandung ka beto raje

Otabe kasoksok rumah se epamalang

Se tak ebedthung gubei kajhu

Salamna ako panggun tak sampe’dinna

Malarmandher kabbi sehat

Ben eberre’e kabeccean atatangge

Tadhe’ oreng odhi’ lanjeng

Esorak Mak Tak Nyandher

Apa Polana Kao Tako’ ka Ako

Cong,Tadhe’ Oreng Setempak Ebumi Renna

Selaen Sekobessa

Ako Odhi’ Belasan taon tape ako endhi’ tetekgian jek polana

Oreng Benni Teggu

Saongguna Nasib Padhe e Kaendhi’

Kao Mate Keni Paggun Tak Jeng Burongan

Mastakala Endhi’ Elmuna sa Langi’

Mun e Anggui ka Salaan ka adhe’

e antep anggun lenthe paggun apes

Marennala odhi’na oreng e dunnya

Meje’ sampek rubbu kabebena ondhe’2

Mak tak ekening cecce’e kajhu ben berra’na se orak

Kao abejeng be’e mak olle sadia deri pangeran

Ben minta ka salametan Deri Lopot Serongna Perampok Dunnya

Ako Keni Toalah Kare Kao Ngolora Talela Se Tak Nyambung

Tape Senga’ Ceom Sakana Mikna Ben Teggik Tanangna Ramana

RAMA

Saporana keta tak bisa

Maolle’ rengkeng

Keta paleng berra’

Tape keta sampe kene aperrang maollea nasib

Se lakar e anggui asakola renna

Rama alalakong beto,Rama Matdhung kajhu

Tadhe laenna paggun e anggui kaodhianna keta

Se bedhe e jeona renna

Mungken Rama sossa polana keta tak padhe2 ben anakna oreng

Sela sampe ka Salasar

Keta coman abela’a ka Rama

Je’ saongguna tak olle anilai keta deri rengkeng se arep keluarga

Apana pole’ Sampek e Tangise

Tape keta ngarep lebbian deri salasar rendhu

Apa se e kaolle renna polana e angguya paggi’ monla bele

Saporana leng!

Keta tak bisa asser-seran teros

Polana tak becce’kakeluarga

Sapa seontong andhi’paste ontong epasoe

Lambe’oreng atemmu be’i kasser-seranna ce’sarana

Tape kene langka

Adhe’adat se teppak ka anak poto

Arassa maenan kabbi

Padahan bunni ollen mundhuk ka kiai

Tape ollena oreng se ekatodhuse

Mun lambe’oreng asoratan tape mun kene

Oreng Asorkotan saka

Sampe’ munyina agendhengan e kopeng

Oreng mamaca bila epakabin tandhena sennengga dua’ pakabin

Oreng numpa’ jeran tandhena perkasa ben paste siap ka panganten bibini’

Labungla keta ma’ ekocak disa e oreng tape panggun neggi’ ka oca’na oreng roma

Lek,ajelan kabera’ ben antos alengna

Mon anak dumit pasti toman polana e pamanja

Apana pole’ mon paraben paggun nganji’

Coba lea’2 monta’ partaje

Pajelanna onlaon2

Mon bedhe landheng masu’a ka romana oreng pasti tak gellem mare,angil ben cermit

Apana pole’ orengna raddhin,bibirna manis,ben pokanna semok

Paggun olle perhatian oreng lake’

Ken abental sambil senyum atabe padhena oreng tak toman ka tomang sakali

Mon alengna jet bedhe ben oreng laen lek

Tape tak arapa

Tadhe oreng rea padhe2 mastakala’a ataretan

Padhena ako ben kao je’ kadheng katemur ngala’ jelan abidder2

Labunglah poko’na jege pateppak

Kadhen kabidean renna mapenter kaoreng

Poko’na elek tak sampek ajelan ka jelan alas se rembun rebbeh

Je’ e colpek olar atabe ebellet olar sabe

Lek,tande’e monla gesar alengna pasti tajem pikkiranna

Jek mulai dumit terros atanya mon bedhe se tak kangarte

Lek,bila bele gibe bela-belaanna oreng lambe’ renthu

Nyapa mon lebet e adhe’na oreng

Ben nundhu’ kabebe jek ka tandhungan ka taena sape

Gibe ajelan saka teros alengna ma’ olle tao settong pesang se arapet2 karna bedhe seondhung ka lao’,bedhe se kabera’ ataona bedhe se ondong agellok2 ben bua-buaan laen

Mon nompak sepeda pasti tak kera ngale’ae karna santa’

Panggung alangkap2 tak teppak bitonganna

Ben pole’ angina panggun ngabber2 ka olo

Kadheng robbu’a

Kadheng ta’ nyapa mon bedhe oreng karna elebethe

Lek.caca’e alengna maktaolle posang sabelum mangkat ajelan

binik seajege

taolle kaloar tengahmalem mon bibini
maje matgercit orang tuana
bibinigutu ajege nama
bibini gudu alako teppak
majek salsal kabudi
tade pahala selaenajege nama
ben paggun terhormat mnla alakea paggik

 

Bibini semenang edisa

Ayo lek mak ajelan loros terros

Sengak jek abes abesan kabudi

Ebudi oreng acaca melolo

Adek caretana islam alarang kao asakola matenggi

Apana polek pamannyak nyareh elmuna agema

Ekatembeng alake tape tak tao ka ka orosan agema

Asakola wajib sapa’a oreng

Bibini saderejet

Ayolek pakala lalake majek sampek ekocak lemah kabbina

Maolle tak ekoco koco lalake

Eanggui kabudakna direk

Bede kuncina lalake maktaolle apessoan melolo

Kao patenggi elmona

Asakola sampek paham jek budaya sedisa tak teppak

Delem alqur’an

Sengak mon tak asakola bibini jek arep ambuna pessoan lalake

Oreng lako nangis sampek ngalacar dera .

                                                                                   Kangean’10

Jimat ampoh edunnya

Keta pasrah Bee ngampong odhik ka disna oreng

Cumin setting kuncina cakna emmik

Jek nabrak mun benni endikna

Je abes mon  tak etojjoanggen

Sarat enna bekal ekasabbuk

Oreng tak kera pasrah anggui kasar

Malahsapa’a oreng paggun todus

Malah ekabereng ben egebeitaretan

Odik oreng tak olle apokal-pokalan

Tak olle mengerset atena

Meolle oreng tak loka atena

Jege oreng romana

Mon leppas deri bebelaan jek areplah bele polekla rongkangnga

Bekal Ebeles Kejam

Sengak bade tolong kancana

Oreng tak koat atapa terros eguana

Monla pade endik pekkeran terro

Jeksampek oreng budi’I

Bekal tak ngabes kea munla endik

Atao paggun abuang rassana nesser

Mate odik pade eteggik e manussa

Oreng kadeng agellak ederak

Tape lagguna nangis e tanah

Rendu kadepatan cakna pangeran

Mak olle oreng ngabes terros ka adek

Majek tatandung.

Odik se-pas

Apanganten sakaderna

Kaemani lagguna

Mareala mastakala’a oreng apessoe takmare-mare.

Sepenting ebudina tak lako akalae benbuni

Karma takendik otang.

Jek cepet busen

Jekcepet atellak

Kaemane keta bekal endik anak lagguna

Anak bekal mintak pasakola

Monla ngale’ae kancana

Otabena cita-cita se salangik.

Menang eadek tape bentat ebudi

Kala eadek tape aman kabudi

Kunci oreng samporna

Pajagalan,03.18.’10

Arassa Tadhe’ Argena Dunnyako Samarena Anak Asakola

Keni Rama  bungaa atena samarena kao asakolah

Artena kao bidhe ben rama lambe’ se ta’ tao apa sakale’

Kao monla tole mangkat ka sakolaan

Rapi,adhasi,ngepe’ buku ben manungngil2 pilot e sakna

Tape bidhe ben rama tole2 ngibe landhu’ ben nuntong tangkina obat

Deri sakeng bungana, rama mandhi sobbu langsong toju’ eadhe’na labeng ngabes kao  mangkat ka sakolaan ngeppe’ buku raje

Pangeran,bedhe ollena seang malem e sabe alalakon e anggui masakolah anak

Pangeran,malar mandher dunnya renna maso’a kajelanna se teppa’

Ben ngibe’a kakaodhian se lanjeng umurna anak laggu

Ternyata rama bur0 arassa je’ rajekke deteng lebih mannyak monla anak asakola

Lambe’ pekkeranna rama  tak partaje kalaben oca’2an rea

Kalaben terpaksa Rama masakolah anak

Ben ngalea’e kancana abundung ka sumenep

Tape akherna Rama apekker lanjeng jek saungguna tak becce’ kalaben terpaksa alalakon

Apa se ekapartaje’a Rama teros ejeleni apabedheana

Rama ta’ ambhu2 minta’ kapangeran kapenteranna anak

Ben kabungaanna anak e sumenep

Cong rama sakarangkong e pabunga atena

Kalaben kapenterranna kao

Kalaben ngajerna kao ka sakolaanna

    

  

kembeng duit Ejengkar

Monpera’ ombe’,area tak arassa ka ako cong

Se arassa kabedaanna kao e sumenep

Atani samusem ojen renna ta’ cokop esabe’  ka keluarga

Ngandalangen parse jek pera’ tumbu sakarebna

Kadeng apanyake’ kapesse

Padena oreng asakolah majer bulanan gedung ben kabbina

Rama  busen tager cokop aotang ka taretan

Padena anak ekoto’e buro nyander ka adean

Parse se maabi’ sape

Ternyata buana pesang tumbuh buah panyake’ se tak bisa e kakang apana pole’ ejual eanggui ngerem kao asakolah

Padena alako ka tase’ je’ tak bisa earep ollena

Karang2 tempatna karapo abudu’ e Bom ellena panyellem

Epotas atao esangkali sampe’ka budhu’na se dumit

Kangean  kota misken juko’

Kangean benni tempat bervitamin

Kangean benni tempatna ereng manggeng cakalan

Kangean misken accan

Kangean benni arepanna anak2 ngude

Lambe’ oreng kangean  kaya ollena amain2 tello’ jem etase’

Abangun juko’ eanggui Romana keluarga

Perhiasan dinding atoles juko’

Akabin Rajena ollena juko’

Sampe’ sandalna anak-anak  atoles tinta juko’

Kene,kangean tak odhi’ montadhe’ malasyia

Pegadaian tak kabua’ ollena mas  Saudi Ben Singapur.

Ta’ gengsi monta’ neggi’ ringgitan ka pasar

Jengkar benni peleanna Rama 

Tape karna pendirianna oreng se nettep e kangean

Muskipun resikona penjara tetep Rama  jelani

Benni Rama  ta’tao UUD Pamarentah

Tape karna jengkar tumbuh edinna

Ben apasak ka anggui alayar

Cong kao je’ nudhu Rama  parosak nagera

Tape karna kao penter asakola gibe nyamana Rama

Rama  tak kenal se emaksud illegal logging

Berre’ salam ka pamarentah je’ Rama  ta’ neggi’pesse mun tadhe’ jengkar.

Malarmandher kao ta’ padhe odhikna ben Rama. 

Sampe’ kene Rama   tak bisa ninggelagi kalakoan jengkar

Selama pamarentah tak nummu jelan begus ka oreng pajengkar

Jujur Rama  m~ajer pajakna Roma,Sabe ben laenna karna ollena ka jengkar

Bekto Rama  ka sumenep leppani ngalea’e gedung padhena karaton e langi’

Namanya gedung Pamarentahan Inspektorat.

Rama  coman natap dedhe apangrasa poas ollena ka jengkar

Je’ gudung rea tak lopot deri pajak se e kabejer Rama .

 

Odhi’na kao room e Saobi

Samarena tanggel 5 2001 pekkeranna emmi’ tak apolong

Oreng2 abela jek kao tadhe’ eserbu angin

Atena emi’ gegger dheri ondhe’2

Ako ta’ enga’ apa sakale’

Emik teddhi’ endhen

Kao anak emik budhi2 searep bedhe ben taretanna se laen

Kao sebekal mateppa’a keluarga Hamsu

Kao se deddi’a pertanyaanna agema keluarga

Mannya’ taretan deteng ngibur kabedean keluarga emi’

Mulai deri antenna semolong kao gi’ dumit

Sampek ka kalebun aburrek bunga

Tape’ atena emi’ tak arassa perak

Emik engak ka kao!

Emik apangrasa kaelangan engguan ka kao

Sampe’ kanca2na deri arjesa deteng ngibe fotona kao

bedhena emi’ ejalani mastakala’a posang tak nummu ka teggian

emik coman ngalea’e becaan2 maslah kao

emik coman maca karoomanna kao e kedhung2 sakolaan

emik perak ebeca’e nyanyian katadheanna kao tiap sobbu

tape emik tetep atanya sabben santre bele ka saobi

emik ngarep kadetenganna kao!

Emik rassana tak mampu odhi mun tak ben kacong

Cong,bedhe sorat deri pacarna

Cong,kao dedhi nyanyian esakolaan TK alengna kao.

Cong,oreng majege bendera murah poteh kabbi Eromana.

Oreng Asarong Edisa

Ajelanan asarong bede ka oreng

Ekatimbeng ajelanan anggui celana

Oreng asarong biasana anjege kasopanan,ben ngarge’e cacana oreng laen

Tape mon anggui calana lipis

Pasti ta’teppak lakona

Bedhe oreng acalana tao kabedhean

Munla tar ngajer atabe monla ter ka sumenep

Dedhi montorro teppa’a edhisana oreng anggui tatakramana oreng asarong

Ma’olle salamet

Sarong rea endhi’na para kiai,ben sarong rea tatakramana oreng mondhu’

Bedhe oreng asarong tape bejing karma nyarembenagi tatakrama Kiai

Mon oreng asarong bekal e arge’e oreng disa

Mon oreng asarong bekal olle barokah teppak

Samsul arifin kangean,2010

Cekka’ lempo

Tela tolangko ngaronyo

Padena apotongan kabbi

Padahal saebbal kalakoan

Je’ sangkenga tak kao ,lis

Mi’ tak abeksa-beksaan kaberak katemur nyare ongkosannana kapal

Sengak mik tak kobessa padena  lambek

Mastakalaa ramana netep are pakakas sakale

Tape ako sanggup madeteng papareng

Jek karna kaorea titipan seelebi dari dunna

Benni awaja fisik tape doa

Alhamdulillah kao kene sampe’ kelas tenggi

Tape emikla aroyoan kabbe

Fisik takekenneng eandalangen

Tape kao lis jek arassa potos asa

Mastakala cekka seajelana

Lempo se arangkaa

Paggun bede  kakoatan selako deteng

Kao rea doa,lis

Deri Patarangan ajem

Patarang ajem se e budina tomang

Lako eabese sekejjek2

Eangguya anak asakolah

Tellor se patarangan tak kera borong

Deri se etak esangka-sangka

Mikpola oreng makoat maju

Settong nyotok ka selaenna

Ben dedi oreng se semangat

Sengak jek ngabes kabedi

Apana polek kapatarang

Jek saongguna kao mangkat deri patarangan

Se bede e budi tomang

Tape semanga tpanggun semangat

Takkera kala ben dunnya se sa elebar-lebarna.

Mayo.mangkat paste tabukte!

kellek ngarkar telor ajem

Jek jahat padena manuk kellek-kellek

Oreng tak kerak adoa

Oreng tak kera ajunguk

Ajelan sopan tapi monla eddi’anna ngakan

Sapa tak seddih ekalah sarombena

Tadek aeng takterro ka pate

Oreng odik pade neggik

Padena tellor

Eanggui marena panas

Nyempen masa depan

Nak,tak kera lanjeng odik renna

Mon tak pade saleng neggik

Mastakala’a bede ekoncok-koncok enjching saka

Nanemlah pamannyak

Nyempen

Ben jege pakettat tellorna

Maje’ ekarkar kellek-kellek

Rento takendik masa depan

Odikna lako acarcar

Pajagalan ,’10

MANGKAT MACA BISMILLANA

ayo lek,ayok cong
kene paloros atena
kamma bee alako pasti tappak
pasettong ka pangeranna
ben ako tak kera tako' kabedeanna e romah renna
mastkalaa tak endik se ekatanaa
ako pasti bismillah
pangeran paggun lebih engak
pangeran tak pernah tedung padena manussa

razeki benni gun deteng kaoreng mannyak duitna.
duit benni sulapanna orengse kaya
duit papareng se e pagegger ka oeng se partaje ka allah

ayo lek,ayo cong tak usah ngabes kabudi
maca bismillana.
kangean,'10